Sandra Wong返左黎香港，約左佢同 Doris，Elizabeth 見面。
其實大家個樣冇乜變。
貓仔都有同我去。
佢而家係紐西蘭北島做遊學團既生意，
安排宿位，學校，旅遊景點……
佢個仔住係香港，做電腦既

個洗衣機有問題好耐呀，不過而家愈行愈慢，
D衫 fing 極都係水滴滴。
唯有換個部新既。
四千幾蚊買左個陳列品。

又接到警告信，要拆簷蓬。
因為以前係非法安裝，size又大過標準。
唯有立即搵泥水公司拆左個舊既，都用左三十年啦，殘殘舊舊，又破爛。
換左個新既；細一D，合乎規則，同埋光左好多呀！
用二千蚊換返黎。
加一條晾衫竹，盛惠二百五。

Degree班正式開學啦！三個星期內要返兩個星期。
係請澳洲烏龍江大學既教授黎授課。

星期四、五、一、二由夜晚七點至十點，
星期六由二點至八點，星期日由十點至六點。
時間好長呀，平日要放工就返學。
夜晚留底飯盒貓仔自己番熱。

不過今次只係熱身，每晚放早半個鐘。
星期六就六點走得喇。
星期日重有趣，計埋小休半個鐘，同食飯個一個鐘，
教埋星期一既課，兩點半放學。

仲話星期一教星期二既，咁星期二就唔使返，俾我地自行做功課，
因為一星期內要交二份400字既ass，要睇兩份artcle先可以做。

呢個星期四又要上堂一星期，今次冇咁好啦，
因為要做 group project ，堂都未上就要做。
重有兩個月內要交四份功課，要睇好多份paper先有資料做。
最煩都係D references，好難攪，唔可以抄，咪人地話你侵犯版權。
上學校個 library 搵資料，勁煩死，唔多識搵呀！

上次份功課除左每日都要放時間外，仲開左一晚夜車，
訓左兩個鐘就返工。
好眼訓呀！幾日都未恢復元氣。唔同以前後生，返足一星期夜更都可以！

好彩呢個星期放假，
希望可以早D完成份功課同group presentation

三蚊雞上星期開始第二個 study block ，
希望佢集中精神溫書啦。
而家返學唔同讀中學。
只可成功，不可失敗！
雖可以有second attempt，但一次攪掂就更加好

四旬期又到啦，
記得守齋，
做克己，
拜苦路呀

過左兩個月，時間都好充實。

X'mas既福傳活動：聖誕快樂，開左個驗血壓血糖檔，
搵左Agnes同瑩瑩幫手，好多謝佢地，唔係就慘喔！

元旦日堂區行山，飛鵝山，行左三個鐘先到目的地。
FOX同細孖話去沙田踩單車，我同白皮豬跟左佢地去，
點知佢地行山去沙田，話會快D。
結果三點係大圍觀會合Edith，大孖雲。踩左去大埔還車。

過左三個星期就過年。去完謝主彌撒，同美儀，
細孖等到維園逛花市。
朝早一定要起到身去求恩彌撒，唔係會俾神父笑。

三蚊雞考試肥左，不過都好彩，補考pass。

升左個年資較短既同事。
我就話冇Degree啦，但其他兩個都年資較長。
我都希望佢會做得好，但睇落佢想攪自己班底，重係班麻煩友。

呢個多月，工夫一件接一件，好彩又一件一件咁完成。
又係休息既時間。

首先係Bachelor英文班，
由第三至五堂下半堂都要考試。
第三堂考writting，做完之後得啖笑，先發覺好多野都唔記得，
包括用詞，語句。自己都覺得不知所謂！
唉！要加點功夫呀，咪APN考written時就醜死鬼。
第四、五分別堂考reading，listening。
呀Sir俾足貼士。OK la。
呀Sir話：我主要教ge係技巧，你地會就係la。所以全部都pass。

其次要開工做research功課。一星期時間。
由冇頭諸到兩日之內完成，
簡直好耐冇嘔過咁多野，雖然只係1000-1500字。

然後有一星期時間搜集資料，因為要考APN個written試，都唔知考乜。
最緊要唔好失禮上頭。
又要帶新同事，又唔想做到佢好累，唯有慢慢咁啦！
自己都冇乜時間休息。
早一晚都好夜訓，溫左都唔記得咁多野。
第二朝一早返去食早餐，再溫溫，祈禱當然少不了。
十個人，其中五個係自己人。
兩條題目，個半鐘。
如何應付常投訴話分配工作唔公平ge同事；
對於文件要read and sign，是否同意。
(thanks God！呀Sir就只係教左點樣寫argument題目，
所以呢條答得又快又滿意)

一星期後面試，要繼續資料搜集。
又要帶新人，都好ha ha ha。
阿頭頭一日上黎同我地溫書。
我個腦都未定，好多野唔識答呀。
俾D時間我放假時組織下啦。
哎喲！重要買件suit面試呀！

D同事係度嘈話做咁多case好辛苦，
一點幾就做完Dcase，有D重係小事。
咪玩野啦！俾你地搭的士又唔搭。

面試完左鬆左一口氣。
多謝天主，多謝聖神既帶領，
問既野都好直接，我都答得唔錯，
不過我知道一定唔會係我，因為我未讀Degree。

一個星期後，阿頭頭頭 Ms Li 特別見左我一陣，
佢話我係面試中表現最好，有management mind，
奈何我個Degree course要出年先開班，
所以佢地商量左好耐，最後都要選另外一個。
我呀頭當然好失望啦！我就有小小啦！
如果我上左位，就會有排忙，
重要同D妹妹玩野，我都係想擺多D時間係教堂。

主日學導師訓練班重有一堂就完啦。

物理治療繼續做，一星期一次，有進步。

三蚊雞病左，發燒食panadol都唔退，
40度樓下，冇其他癥狀，今日第二日啦。
聽日仲要考試。都唔知點算。

物理治療繼續做，但係情況冇乜進展。

主日學道理教授班開學，一星期一堂，
同三蚊雞一齊上，感覺好特別。
上左兩堂都趕唔切同佢食飯。

Degree course既英文班又開，撞左兩堂。
一上堂就話要做功課，做research，第四個星期就交。

要清年假，呢個星期放三日假。
用左一日做家居清潔，
成間屋D味都清新左，光左。
我諗個地都成個月冇用水拖過。

羊皮狼話狐狸K會番上病房升，叫我好好對待佢。
乜我對佢唔好咩？
佢有時都唔知去左邊，又永唔會做多野。
入數又有問題，計時間都會出錯，
四個grade都俾到第三啦，唔通仲要俾到佢最高級咩？
唔好傻啦！

又有新同事黎，希望唔係麻煩人。

喱兩個星期好忙，都唔知時間點過。

每日朝七點半，晚十一點，
簡直非人生活。好多野發生。

主日學開學，詩惠都有參加。
佢呀媽跟住佢，而家冇咁抗拒天主教。

參加左一次青年聚會。
似乎 D人少左播。
玩尋寶，跑到我氣咳。
重要做掌上壓，可風同阿軒做囉，
不過我都有做原地兔仔跳。
重要一組人飲哂一支2公升雪碧，
我都飲左好多呀，嚇親佢地，
「你唔怕有糖尿病咩？」
多謝各位負責人，令我冇浪費這一個下午！

有APN位，上頭積極叫我報名，
仲叫DR許幫我寫推薦信。
佢話：係Ellen我就寫，其他既就唔寫。
不過我同佢平時冇乜接觸，佢都識我？有D驚驚！！！
要有degree喎！我唯有即刻報名囉，
點知剛剛開左班，要過四個月先再開班。

兩隻狐狸表面冇野。
有一次狐狸C冇綑頭髮。
我話佢知有風筒，可以吹乾，之後可以綑起。
之後有人話我寸。
咁好聲氣都叫寸，咪玩啦！

羊皮狼：「你應該要報APN，因為你senior。
我就唔會報，因為呢次係大記同狐狸K之爭，
我費事得罪佢地啦！
以為我有心要爭。」
又叫我去，即係咩意思呀！

羊皮狼又話：「你要小心狐狸K。」
哦！點樣小心D呀！
係咪唔好俾咁多野佢做呀，仲要怕左佢咁？
我既原則係大家都公平，邊個人都係一樣。
唔會有優待！
「仲之為你好，小心D啦！」
總之做野就做野啦，我都唔知佢幾時又出招。
日日咁under stress，想唔做錯都難啦！
點解我唔可以每日開心過，佢鍾意玩乜係佢既事！
佢係魔術家，最叻係………無中生有。
羊皮狼又擺出誠懇樣子：「總之小心啦！」
唔好浪費我D時間啦，我未做完野！嘿！

病房小氣鬼又黎找麻煩。
明明係你地病房既人應承左，而家反口，仲惡人先告狀！
又係背後扇風點火。
攪到呀頭好慶！
所以我又要收集資料俾阿頭去撐，
仲要低調D，免得同事又多聲氣，節外生枝。

最開心莫過生日，有三種旦糕。朱古力旦糕、粟子旦糕、藍梅旦糕。

仲有遲放工都有飯食！

好幸福哦！